GL Group Yay Təcrübə Proqramı çərçivəsində təcrübəçilərimiz GL Group-un afilə şirkətlərindən olan "Salyan Oil Limited" şirkətinə biznesimizin əsasını təşkil edən əməliyyatlarla yaxından tanış olmaq məqsədilə səfər ediblər.
Səfər Kərimbəyli Ofisi ilə tanışlıqdan başlayıb. Təcrübəçilər ofisin müxtəlif sahələri, o cümlədən akt zalı və monitorinq otağı ilə tanış olub, sahə əməliyyatlarına yola düşməzdən əvvəl onların necə izlənildiyi və koordinasiya edildiyi barədə dəyərli məlumat əldə ediblər.
Daha sonra onlar 6 saylı Sahəyə baş çəkərək burada aparılan cari əməliyyatları müşahidə edib, 811 saylı Quyuda isə davam edən əsaslı quyu təmiri işlərini izləyiblər. Təcrübəçilərimizin bir çoxu üçün bu, upstream neft-qaz əməliyyatlarını yaxından görmək üçün fürsət olub. Təcrübəli əməkdaşların iş prosesini izləmək, bu əməliyyatların tələb etdiyi dəqiqlik, komanda işi və peşəkarlığı müşahidə etmək onlara sahədə görülən işlərin ofislərimizdə həyata keçirilən fəaliyyətlərlə necə əlaqəli olduğunu daha yaxşı anlamağa kömək edib və sənaye haqqında daha geniş təsəvvür formalaşdırıb.
GL Group olaraq inanırıq ki, gənc istedadlara investisiya qoymaq onlara real əməliyyatlar və təcrübəli mütəxəssislərlə birbaşa öyrənmək imkanı yaratmaq deməkdir. Məhz bu cür təcrübələr gələcəyin enerji mütəxəssislərinin formalaşmasına töhfə verir.
