img

Aktivlərimiz

"Buzovna-Maştağa", "Qala" və "Zirə" neft yataqları

Azərbaycan Respublikasında Buzovna-Maştağa, Qala və Zirə neft yataqlarının daxil olduğu blokun bərpası və işlənməsi ilə əlaqədar Azərbaycan Respublikasının Dövlət Neft Şirkəti ilə “GL İnternational LTD” MMC arasında Risk Xidmət Sazişinin qəbul və təsdiq edilməsi, həyata keçirilməsinə icazə verilməsi barədə qanun layihəsini Milli Məclis təstiqlədi.

img

Aktivlərimiz

“Kürsəngi” və “Qarabağlı” neft yataqları

GL-in törəmə müəssisəsi olan GL İnvestment “Kürsəngi” və “Qarabağlı” neft yataqlarının daxil olduğu blokun reabilitasiyası, kəşfiyyatı, işlənməsi və hasilatın pay bölgüsü haqqında Sazişdə (“HPBS”) və “Salyan Oyl Limited” əməliyyat şirkətində 50 faiz iştirak payına sahibdir. “Kürsəngi” və “Qarabağlı” yataqları Azərbaycanın quruda ən iri neft yataqlarından biridir. Bakıdan 125 km cənub-qərbdə, Kür çayı hövzəsində yerləşən yataqlar ötən əsrin 60-cı illərinin əvvəlindən istifadədədir. Müqavilə “Kürsəngi” və “Qarabağlı” yataqları üzrə təxminən 450 km2 ərazini əhatə edir.

img

Təbiət və Texnologiyanın Vəhdəti

Balaca dostumuz #SalyanOil neft istismar sahəmizin qonağıdır!
 
Gördüyümüz odur ki, dovşan sahəmizdə olmaqdan məmnundur. Çünki, #GL şirkəti olaraq iqtisadiyyatımıza töhfə verməklə yanaşı ətraf mühitin də qayğısına qalmağı ehmal etmirik. Təbiəti korlamadan istismar etdiyimiz yataqlarımızla ekoloji norma və qaydalara riayət etməyi özümüzə bir nömrəli vəzifə kimi müəyyən edirik.

img

Haqqımızda

GL yüksək nailiyyətlərə doğru gedən yolun başlanğıcında olan özəl hasilat şirkətidir. Bizim qlobal sənaye və liderlik üzrə geniş təcrübəsi olan çevik idarəetmə komandamız var. Biz uzunmüddətli əlaqələrə və etibarlı tərəfdaşlığa inanırıq. Biz müxtəlif qitələrdə hasilatı optimallaşdırmaq və artırmaq məqsədilə əldə edə biləcəyimiz və yatırım edə biləcəyimiz neft-qaz aktivlərinin fəal axtarışındayıq. Hal-hazırda şirkətdə 1600-dən artıq əməkdaş çalışır.

img

Biznes strategiyamız

GL şirkətinin əlverişli biznes fürsətləri axtarışını “mövcud ehtiyatlarda daha çox neft və qaz axtarışı” kimi təsvir etmək olar. Bizim məqsədimiz müasir texnologiyalardan istifadə edərək ehtiyatları və hasilatı artırmaqdır. 
Biz ehtiyatların artırılmasına yönəlik effektiv həll yolları tapmağa kömək edən yeni ideyalara və innovasiyalara açığıq. Biz tərəfdaşlıq və qarşılıqlı etimada əsaslanan yeni işgüzar münasibətlərin qurulmasına və qorunmasına xüsusi önəm veririk. Biz ciddi yanaşma, vaxtında aparılan təhlil və risklərin intizamlı idarəçiliyi vasitəsilə yataqların gəlirli istismarı prinsiplərinə əsaslanırıq. 

img

Komandamız

GL yüksək kvalifikasiyalı peşəkarları dünyanın müxtəlif yerlərində neft-qaz aktivlərinə sahib olan və onları idarə edən müstəqil qlobal enerji şirkətinə çevrilmək hədəfi ətrafında birləşdirir. Yeni yaranmış şirkət olmasına baxmayaraq, GL özündə son 25 il ərzində müvafiq sahədə öz uğurları ilə tanınan peşəkarların təcrübəsini, biliklərini və idarəetmə bacarıqlarını birləşdirir.

STRATEGİYA

Çoxşaxəli aktivlər portfelinə malik enerji şirkətinə çevrilmək.

MİSSİYA

İstismarda olan aktivlər üzrə seçilən tərəfdaş kimi tanınmaq.

GƏLƏCƏYƏ BAXIŞ

Seçilmiş aktivləri satın alaraq onlara investisiya etməklə yüksək keyfiyyətli əməliyyatlar icra edən, fəaliyyəti ilə dəyər yaradan qlobal, müstəqil və ortamiqyaslı enerji şirkətinə çevrilmək.

img